Log in to check your private messagesLog in to check your private messages   Log inLog in 

 
2019.07.06 跑輸蘇老闆!孫耀威西裝王國夢撻Q

 
Post new topic   Reply to topic    ESIFC :: Forum Forum Index : News 新聞區
View previous topic :: View next topic  
Author Message

II
Site Admin


Joined: 28 Sep 2005
Posts: 3620

PostPosted: Mon Jul 08, 2019 11:32 am    Post subject: 2019.07.06 跑輸蘇老闆!孫耀威西裝王國夢撻Q Reply with quote

跑輸蘇老闆!孫耀威西裝王國夢撻Q
2019.07.06
東方新地




曾經在台灣和上海投資經營餐廳及酒吧勁蝕過千萬的孫耀威,未有因蝕走大半身家打沉創業信念,17年再掟千萬投資大搞自家設計的品牌西裝,同時開地 舖及過千呎旗艦店,雄心萬丈再出發,為吸客經常落舖打躉做生招牌,實行和同街開西裝舖的蘇志威打對台,上年再拓展開第三間分店攻埋自家品牌婚紗,不過三間舖租金及店員人工使費每月燒銀紙近百萬,最終敵不過經濟不景,七月兩間西裝店關門大吉,只剩 下位於美麗華酒店商場2樓的細舖頭繼續營業,唔通搞 生意真係老孫(孫耀威)天敵,總係波折重重!

孫耀威 每月百萬開支

雖然試過搞餐廳及酒吧生意損手離場,不過,孫耀威對投資生意依然雄心壯志,喜歡時 裝設計的他,曾低調幫過自己經營的酒吧侍應設計服裝,17年決心投資搞西裝品牌生意大展 拳腳,揀正人流旺的尖沙咀開舖,除咗位於美麗華酒店商場2樓的過千呎旗艦店,還有樓下 地舖,每月租金便要廿多萬,夫妻檔不時落舖巡視業務,信心十足的他更揚言計劃將品牌衝出國際,不過經營三年,七月兩間主店便關門大吉,只剩上年開業位 於2樓的細舖頭繼續經營。


17年創立自 家西裝品牌Tuxee的孫耀威,設計愛玩天馬行空,加上價錢走高檔路線,開業初期,便經常落舖做生招牌吸客,不過經營三年,兩間主店舖七月已關門大吉。



據知情者透露:「搞自己品牌服裝可以話係老孫多年H心願,開舖無耐佢已經計劃做埋女裝,一直諗頭多多,上 年就開埋第三間店主攻自家品牌婚紗,不過,三間舖頭每月開支差唔多成百萬,雖然話係由佢設計啫!但要過萬蚊做件西裝價錢拍住名牌貨,客路始終唔夠普及,近年香港經濟又唔好,靠熟客生意好難維 持,佢唔想繼續燒銀紙,最後決定兩間舖都唔續租,留番間細舖頭,話晒依家流行網上店,佢都覺得係時候轉型。」


於尖沙咀美麗華酒店商場開設的地舖及旗艦店,兩間舖加埋過千呎,17年開業時,孫耀威更親自為兩間舖頭設計舖面,格調高雅相當揼本!


旗艦店和地舖近日關門大吉,孫耀威連日來就將部分舖頭貨品搬入倉,部分則移去上年才開業,位於美麗華酒店商場2樓的婚紗舖頭。



唔夠大眾化

孫耀威設計的西裝亦走偏門路線,與同街打對台的蘇志威以傳統款式招徠,始終唔夠大眾化。據知情人士透露:「老孫份人好有自 信,搞西裝禮服店,佢都唔跟傳統,鍾意天馬行空,布料同款式玩另類,但未必人人受落,而且蘇老闆好有生意頭腦同經驗,搞禮服店同跳舞學校都掂!」 近日孫耀威位於尖沙咀的西裝地舖以及原先位於2樓的旗艦店已經 圍晒板交吉,日前他亦有在社交網示意搬舖,不過只剩的細舖比起之前兩間舖都大縮水,轉型可能係另一條出路!


開業初期,兩公婆不時落舖巡視業務。


三年前西裝舖開業舉行開幕禮,車婉婉亦到場賀好友榮升老闆。


17年為幫西裝店谷生意,孫耀威特別為品 牌西裝和婚紗舉行婚紗禮服展,同老婆陳美詩做埋Model 宣傳。


除咗大搞西裝生意,17年老孫還 回歸樂壇簽約星娛樂再出碟,近日新歌更入圍勁歌季選。


拍拖八年,孫耀威17年同陳美詩 (Macy)拉埋天窗,對老婆錫到燶的他,不時孖老婆出遊,今年 情人節兩人到德國雪山滑雪。



比孫耀威更早睇中男士西裝禮服市場有 得發圍的蘇志威, 12 年已在尖沙咀開設西裝禮服店,至今已經擁有三間店舖,分別位於尖沙咀、灣仔和中環,而三年前孫耀威開舖,就揀正同蘇老闆同 一條街,開宗明義打對台。

撰文:東方新地 圖片:新傳媒圖片、IG
Back to top
View user's profile Send private message Send e-mail
Display posts from previous:   
Post new topic   Reply to topic    ESIFC :: Forum Forum Index : News 新聞區 All times are GMT + 8 Hours
Page 1 of 1

 
Jump to:  
You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot vote in polls in this forum