Log in to check your private messagesLog in to check your private messages   Log inLog in 

 
2018.10.28 【錯過好多機會】歇斯底里跳出框框 孫耀威演唱會要癲

 
Post new topic   Reply to topic    ESIFC :: Forum Forum Index : News 新聞區
View previous topic :: View next topic  
Author Message

II
Site Admin


Joined: 28 Sep 2005
Posts: 3474

PostPosted: Mon Oct 29, 2018 10:21 am    Post subject: 2018.10.28 【錯過好多機會】歇斯底里跳出框框 孫耀威演唱會要癲 Reply with quote

【錯過好多機會】歇斯底里跳出框框 孫耀威演唱會要癲!
2018.10.28
蘋果日報 即時娛樂

能夠在自己開拓音樂事業地方舉行演唱會,相信是任何一位歌手的夢想,孫耀威過去廿幾年,每次在港開騷的機會總是擦身而過,他說:「等咗廿幾年,計劃(開騷)都超過十年,一路未有緣份,07年9月尾Book過11月中紅館檔期,但太急而推咗,09同10年時有機會開,又遇到聲帶出事。」之前轉型營商為主,但他從未忘記開騷的心,「大概前年,我諗唔可以再被嗰浪帶住行,跟住將生意放畀下面啲人跟,我就簽香港唱片公司出廣東唱片同搞騷。」

鐵定下月中假Star Hall舉行兩場演唱會,主題為歇斯底里,平日給予人斯文感覺,他自揭真正一面是瘋狂,正如當初在台灣時唱過快歌,也寫創作過搖滾歌曲,希望透過今次個騷讓大家看到他真實的一面,他說:「今次個騷會比較激方式去做,但唔係恐怖感覺,而係視覺上震撼,讓觀眾更容易走入首歌。」從揀歌、編曲、舞蹈、舞台設計至視覺影像,他都參與其中,整個團隊有如被他洗腦一樣,一齊跳出框框去製作一個瘋癲的騷。

講到服飾,當然也有他的計設手筆,問到會否只穿短褲騷爆肌身型?他笑說:「四月開始健身,今次希望練到八嚿腹肌,真係借個騷畀自己動力,我咁大個仔都未試過有八嚿腹肌,如果做到就證明狀態好弗,若果大家鍾意,我都無所謂去騷。」

涉足不同工作種類,他從沒忘記初心,每次外出於海關申報職業一欄時,他會填上「歌手」,他說:「唱歌係我老本行。」人生閱歷加深,他期待分享不一樣感覺的歌曲畀大家,他視今次是大型聚會派對,對票房全無壓力,即使入場只得一百人,但他相信這一百人也是等足廿年的Fans,必定全心全意做好兩場騷,跟他們留下美好一頁。

Video Link - 【錯過好多機會】歇斯底里跳出框框 孫耀威演唱會要癲!


採訪:馬建華、攝影:沈健程 、拍攝:馮嘉銘


喺香港開騷等咗廿幾年,陰差陽錯浪費咗好多機會。


就算做生意都未放棄過開騷,前年決定放低生意,再出廣東唱片同搞騷。


演唱會主題為歇斯底里,佢話洗埋團腦,一齊跳出框框。


佢話無壓力,因為就算得100人,佢哋都等足廿年,所以好值得全力做。
Back to top
View user's profile Send private message Send e-mail

II
Site Admin


Joined: 28 Sep 2005
Posts: 3474

PostPosted: Mon Oct 29, 2018 10:29 am    Post subject: 2018.10.28 【太太支持暖在心】有代表作已經無憾 孫耀威高低跌宕 Reply with quote

【太太支持暖在心】有代表作已經無憾 孫耀威高低跌宕四份一世紀
2018.10.28
蘋果日報 即時娛樂

歲月痕跡從無留在他的臉上,但人生高低起伏經歷卻充實了他的心靈。柔和唱出「星的光點點灑於午夜 人人開開心心說說故事」,長不大的大男孩孫耀威便開始燦爛星途,台灣、日本、韓國留有他的歌聲,亦比其他人較早北上發展拍劇。演藝事業以外,他積極開拓生意領域,可惜2013年於台灣投資餐廳開店一日便被停業,令他損手爛腳步入低潮。五年過後,他覺得一切經歷都磨練出更成熟更正的自已,再不會被一擊即沉。

求學時期屬於高材生的孫耀威,21歲便獲唱片公司垂青簽約,俊朗外型加冧爆情歌,旋即迷倒不少小女心,正值香港樂壇蓬勃,擁有不少機會到海外演出,同時又踏足內地接拍劇集。孫耀威日前於尖沙嘴接受專訪,回想近四份一世紀的人生,他道出「我真係有好多人生經歷,有好多高位,有好多挫折。」他自言並沒有讓自己停留低谷太久,反而學會去感恩自己所擁有,他說:「我做呢個圈咁耐,我唔係天王巨星,而我H音樂喺華人市場有班忠實樂迷去聽我H歌,佢哋需要我H音樂同行,我都需要佢哋撐我去行,我又擁有自己代表作,雖然未到死而無憾,都叫無憾。」

03年台灣的飲食事業觸焦,他覺得是一個機會讓他跌回地面變得更貼地,他說:「我一路都有助手同公司照顧,但呢件事我就連助手都無請,有請人,最後都調去舖頭幫我睇生意。」原因是台灣一役令他學懂自立,他試過一個人帶著店舖餐具及過百條員工圍裙往台灣,也試過捱夜後一早起身披頭散髮去傾生意,結果是換來對方公司上上下下合照後便說:「我哋無諗過同你傾生意。」種種經歷也是好的磨練。

走過艱難的路,孫耀威懂得放下執著,拾起珍惜的心,他指以前去到音樂較差場地,或到內地登台時見到混雜環境,心堶惚K浮現一種好憎感覺,為何要在這環境下演出,是對不住自己的音樂。近幾年的際遇,令他更懂得享受演出,他說:「我會去同唔同階層H人唱歌,睇懮\哋反應,感覺好似真人騷去了解其他人,有啲人會飲醉酒拎罐啤酒上嚟,以前我會嚇親叫經理人擋,依家會拎上嚟,make sure乾淨咪飲一啖就放低,唔會一下被打沉。」

孫耀威興幸在自己有心有力,還能夠拼搏的時候遇上挫折,若果換轉遲二十年,到六十多歲時才遇見,可能沒有復元的力氣,同時他感激在谷底時,太太陳美詩、家人及身邊好友們的力撐及陪伴,讓他暖在心,亦注滿能量再走得更遠。

涉足不同範疇工作,到過不同地方,回到香港再做唱片,他露出幸福笑容說:「原來做藝人呢份工作算係咁,會被好多人祝福,又可以好似呢刻咁喺冷氣房做訪問,肚餓又有人買嘢食。」即使如此,孫耀威無沉醉在被呵護環境下,他更珍惜機會去提升自己不停鍛鍊,練歌、練琴、練結他、練滾軸溜冰及健身,每晚睡到床上都攰到不能形容,但那份感覺是幸福、滿足的。

鳴謝:髮型:Lobo @ hair corner
化妝:Samuel @江中平化妝室
場地:Mira Hong Kong

Video Link - 【太太支持暖在心】有代表作已經無憾 孫耀威高低跌宕四份一世紀


採訪:馬建華、攝影:沈健程 、拍攝:馮嘉銘


孫耀威認同自己「有好多高位,有好多挫折」,但唔會停留低谷太耐。


當年飲食事業觸焦,佢視作磨練,依家冇以前咁執著。


喺谷底時,有太太陳美詩支持,佢話如果呢啲挫折喺60歲出現,就未必恢復到。


依家H幸福係,每晚攰到不能形容,好有滿足感。
Back to top
View user's profile Send private message Send e-mail
Display posts from previous:   
Post new topic   Reply to topic    ESIFC :: Forum Forum Index : News 新聞區 All times are GMT + 8 Hours
Page 1 of 1

 
Jump to:  
You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot vote in polls in this forum