|
II
Site Admin
Joined: 28 Sep 2005
Posts: 3541
|
 Posted: Fri Sep 22, 2017 10:31 am Post subject: 2017.09.22 投資餐飲業損失過千萬 孫耀威再戰商場提倡潮着西裝 |
 |
|
名人戰商界 投資餐飲業損失過千萬 孫耀威再戰商場提倡潮着西裝
2017.09.22
頭條日報
西裝店內�H幾百款西裝全由孫耀威設計，佢坦承有失敗版，最後唯有當布碎咁棄掉，好痛咁話。
早年孫耀威（Eric）在上海和台北投資餐飲業失利慘蝕過千萬，但收拾心情企穩陣腳後，他雄心不滅，決定投資千萬連開兩間西裝舖，成立自家品牌TUXEE，實行跟西裝老闆蘇志威（阿細）及吳業坤分一杯羹！經過兩次蝕到入肉�H經歷，Eric坦白承認：「其實我對做生意完全冇興趣，我只係對設計有興趣，就係因為咁驅使我再次跌入火坑！做西裝唔係賺大錢生意係當做娛樂，因為量唔多，但好似BB咁，見到好靚仔會好冧，公司能自負盈虧後我希望喺設計上可以玩吓嘢。」
孫耀威位於商場2樓的西裝店成為遊人及同行的「地標」，唔少人過來影相「觀戰」，因為門口放置了一件由他設計，價值3萬元，用多層布條組成的黑白色西裝樣辦，不論布料、製作時間、重量都比一般的多出幾倍，真係好有玩嘢Feel，咁花時間、功夫及金錢，行內人一定唔會咁癲，他竟然滿足地說：「我攞一塊貴布料剪到咁碎去造西裝，每條闊度約一吋厚，逐條逐條黐上去似做一塊布咁，單係師傅釘製布料過程都需時3個月，雖然係好多層，但全部布料100%純wood，加上用特製技術去做到通爽效果，好正㗎。有位長髮高大威猛�H美國商人好鍾意，訂咗一套着上台演講，佢要求用色係全世界最姣�H姣婆紫，我見到完成品都好興奮。」
玩西裝會沉迷
近年由歌壇轉攻商界的孫耀威表示，TUXEE與其他高級定製店與別不同的是能夠衝破傳統的框框，設計上會喜歡玩布料，玩撞色，即使好老正款式及布料，只要花小小腦筋可以做到好潮，仲會加入顧客天馬行空�H意念，如造過蜘蛛網水晶西裝。問到造西裝還是唱歌的滿足感較大？他笑說：「我着住自己西裝唱歌滿足感最大，好似送畀老婆陳美詩首《It's My Day》咁，曲詞編監衫都係我，代表到由內心出發做件事。我覺得，一個真正鍾意玩西裝�H人好似女人玩鑽石咁會好沉迷，覺得自己靚仔兩倍，着到件合身�H西裝會好冧，好似攬住個靚女一樣有肌膚之親。」
店外省招牌多層式玩嘢西裝成為遊人及同行影相「地標」，其中姣婆紫西裝為一美國客人訂製。
孫耀威穿上用多層布條�H布造成�H西裝。
孫耀威幫顧客做過蜘蛛網水晶西裝，為尊重客人，款式係獨一無二�H。
開完兩間TUXEE，孫耀威再下一城開多間以女裝為主�H舖頭交畀老婆打理，除有自家設計，仲會喺外地搜羅高雅靚裙再拎番嚟加工。
店內有水晶及24k金高級西裝布料，製成品要20至30萬港元一套，好矜貴。
孫耀威送畀老婆陳美詩首《It's My Day》，曲詞編監衫都由他一人包辦。
採訪：方騫平
服裝：tuxee.co
髮型：Sunny Yu@ Hair Culture
化妝：江中平化妝室 |
|
Log in to check your private messages
Log in
