Log in to check your private messagesLog in to check your private messages   Log inLog in 

 
2017.09.19 【老婆心痛】孫耀威演「港版麻辣教師」 被黑幫追殺意

 
Post new topic   Reply to topic    ESIFC :: Forum Forum Index : News 新聞區
View previous topic :: View next topic  
Author Message

II
Site Admin


Joined: 28 Sep 2005
Posts: 3296

PostPosted: Wed Sep 20, 2017 2:39 pm    Post subject: 2017.09.19 【老婆心痛】孫耀威演「港版麻辣教師」 被黑幫追殺意 Reply with quote

【老婆心痛】孫耀威演「港版麻辣教師」 被黑幫追殺意外傷手指公骨
2017.09.19
蘋果日報 即時娛樂


孫耀威拍戲弄傷手指公骨,老婆陳美詩(紅圈)當然心痛。(攝影﹕葉君海)

孫耀威同葉芷如合作H慈善電影《我們的6E班》,以青春校園為主題,並將於後日(21日)上映,日前佢哋喺尖沙嘴接受《蘋果》專訪,由於呢套係慈善電影,佢哋表示自願減片酬去拍,望能為種族共融出一分力。

片中兩人飾演老師,孫耀威更化身成「港版麻辣教師」,主理一班問題學生,佢話:「呢間學校有唔同種族,有尼泊爾、菲律賓、印尼、內地新移民,本身佢哋H家庭有好多問題,返到學校就有更多種族矛盾,例如校園毒品、黑社會,迫良為娼、家庭破裂,我呢個麻辣教師捉住新老師葉芷如入火坑,拯救呢班後生仔。」孫耀威指有場戲係講學生被黑幫追,佢因為救學生而令手指公骨爆裂,太太陳美詩咪好擔心?佢話:「係呀,佢睇到喊,都心痛,我就肉痛,不過拍打鬥戲就一定有。」

呢兩位老師H作風似乎幾另類,葉芷如話:「其實我初頭都唔同意,點解要同學生咁friend?點解仲要同佢哋打籃球?但係見佢用H方法可以令學生變好咗,我就慢慢被佢帶住行。」

孫耀威指劇情正正反映到現實,香港有唔少種族,好多人雖然喺香港出世,但有香港身份證,但問題出喺佢哋唔覺得有香港H身份,覺得社會唔屬於佢哋,因而令到佢哋冇自信,佢話:「我有個大學女同學,後來做咗校長,10幾年前,因為冇咁多學生,所以學校預備要殺校,佢就開始接收一啲唔同種族H學生,開頭真係一鑊泡,但佢去了解呢班學生,佢哋錯,唔好即刻鬧,要入佢哋世界,逐個教,呢個係好好,所以我有向佢偷師。」吸收呢啲個案經驗,係咪對佢將來做爸爸好有幫助?孫耀威笑住話:「我一定做慈父多敗兒,如果個仔鍾意打機,我會陪佢打,o依家後生仔有自己諗法,世界亦都變咗,我會尊重佢H個人喜好,我一定唔係怪獸家長,老婆一定要做壞人。」

採訪:黃曉妍
場地:美麗華酒店

孫耀威
服裝:tuxee.co
髮型:Sunny Yu of Hair Culture
化妝:江中平化妝室


由於係慈善電影,兩人都願意減片酬去拍。


孫耀威同葉芷如在戲中飾演老師。

Back to top
View user's profile Send private message Send e-mail

II
Site Admin


Joined: 28 Sep 2005
Posts: 3296

PostPosted: Wed Sep 20, 2017 2:42 pm    Post subject: 2017.09.19 【唔做乖女】每日苦練3個鐘小提琴 葉芷如曾抗命:偷 Reply with quote

【唔做乖女】每日苦練3個鐘小提琴 葉芷如曾抗命:偷偷學跆拳道
2017.09.19
蘋果日報 即時娛樂


葉芷如曾經因為唔想練小提琴呃媽咪。(攝影﹕葉君海)


葉芷如外表乖乖女,但都有違抗過媽咪H意思。


孫耀威話自己係個成績好H「問題學生」。

外表乖乖H葉芷如,喺慈善電影《我們的6E班》與孫耀威合作,扮演老師。芷如自細被父母安排學小提琴,但因為太辛苦,亦試過反叛,搞過一場小革命,佢話:「由小一開始,每日練3個鐘,唔知為乜,我唔係真心鍾意,長期心理抑壓,後來我呃媽咪話要考公開試,冇時間練琴,如果考上大學先再學,後來我話自己去做運動,但其實係去學跆拳道學功夫,冇再學琴,後來媽咪都知道咗。」旁邊H孫耀威猛咁點頭,認同要做一啲自己鍾意做H事。

成績不俗H孫耀威,但其實係一個問題學生,小學開始已經成日打交,同老師頂嘴,故從來都唔會讓佢負責班長或者風紀隊長等要職,佢話:「成績好,唔代表係乖寶寶,我喺大學讀電腦工程系,個個好宅,做通宵唔擦牙到第二朝又繼續,不過我有另一面,我好鍾意玩、留長髮、夾band,好細個已經去蘭桂坊,我發現有個教授同我一樣,我哋唔理世俗眼光,兩個飲啤酒傾偈,完全入晒我世界去聽我H故事,當我有錯,佢會突然間好惡去教我,我會去思考,到今時今日,每個星期都會聯絡,係亦師亦友。」

回憶當年孫耀威入行H時候,呢位教授知道之後都好開心:「佢完全冇反對,跟住仲同我研究歌,畀到好多支持我,我最記得出嚟唱咗幾年,再返中文大學做表演,我就捉埋佢上台一齊夾band,感覺好得意。」

採訪:黃曉妍
場地:美麗華酒店

孫耀威
服裝:tuxee.co
髮型:Sunny Yu of Hair Culture
化妝:江中平化妝室
Back to top
View user's profile Send private message Send e-mail
Display posts from previous:   
Post new topic   Reply to topic    ESIFC :: Forum Forum Index : News 新聞區 All times are GMT + 8 Hours
Page 1 of 1

 
Jump to:  
You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot vote in polls in this forum