2019.03.21 【影視博覽】孫耀威相識十周年諗造人嫌雪卵唔浪漫

II · Site Admin Joined: 28 Sep 2005 Posts: 3622

【影視博覽】孫耀威相識十周年諗造人嫌雪卵唔浪漫
2019.03.21
蘋果日報即時娛樂

攝影：陳慧安/IG圖片

孫耀威今日在影視博覽出席一項微電影頒獎禮，他以自己歌曲拍成微電影，成功獲得專業組微電影男主角金獎。他說：「之前搵Wyman作咗首歌《愛的故事沒有下集》，係浪漫故事，講愛情好似圓圈咁，沒有終結。」

孫耀威說後生時會追求愛情轟轟烈烈，現時追求感情甜甜蜜蜜，問到他與太太陳美詩屬於哪一種？他表示：「都仲算係轟烈，3月25日就係十周年，我哋農曆新年去咗歐洲旅行。原來大家喺埋一齊已經十年，大家都仲喺圓圈入面跑緊。」他又講笑：「希望大家唔好出軌啦，我就唔會，唔知太太呢？」

講到造人大計，孫耀威指要順其自然：「有人會計排卵期，但咁就冇咁浪漫，不過最近係同太太多咗講呢個話題。之前我哋真係太忙，冇乜日子相遇，仲要見到面都好，好多時候都係有好多親戚喺度，有啲唔方便。」孫耀威下半年會再自編自導新戲，希望到時多些時間見面。

阿Sa最近準備雪卵，孫耀威會不會支持太太雪卵？他說：「咁都唔係太浪漫，暫時都係想浪漫地進行。唔一定要有細路，但有細路都唔介意。」

孫耀威自信同太太仍在甜蜜階段中互相追逐。

他希望造人可以浪漫地進行，不會特別去計排卵期或雪卵。

（IG圖片）

II · Site Admin Joined: 28 Sep 2005 Posts: 3622

相愛10年仍轟烈　孫耀威驚陳美詩出軌
2019.03.21
on.cc 東網

Eric憑《圓》奪得「最佳微電影男主角（專業組）」金獎，恭喜晒！

Video Link - 相愛10年仍轟烈　孫耀威驚陳美詩出軌

歌手孫耀威（Eric）出席微電影頒獎典禮活動，並憑《圓》奪得「最佳微電影男主角（專業組）」金獎，他表示《圓》是將自己的歌曲拍成微電影：「其實愛係好似一個圓圈，有開始冇終點，自己年輕時就追求轟轟烈烈嘅愛情，但當年紀大就追求細水長流嘅愛情，無論一齊幾耐都要恩愛如初。」

Eric透露過幾天就是和太太陳美詩的拍拖10周年，問到夫妻生活轟不轟烈？他笑言：「我哋都算仲係轟烈，之前農曆新年去咗一個講咗好耐嘅歐遊旅行，都算係補度蜜月，去咗兩個星期，好驚訝我哋已經10年，的確愛情要畀大家新鮮感，我哋都仲喺圓圈入面跑緊嘅，希望唔會出軌啦。（你唔會出軌啩？）唔會，我已經係絕緣體嚟，係驚佢啫！哈哈！」

嘗試浪漫造人

問歐洲之旅可有成功造人？他謂：「唔會啦，但都有講呢個話題，係有講多咗嘅。（咁講多冇用，要多做先得？）因為之前真係好忙，好多時我哋又遇正佢唔方便嘅日子（生理周期），所以希望嚟緊日子多啲時間見。」問太太可會考慮雪卵？他表示：「我覺得咁唔浪漫，我都係希望可以浪漫啲進行。」

Eric自爆年輕時追求轟轟烈烈嘅愛情，年紀大之後反而想細水長流。

Eric透露過幾日就係同太太陳美詩嘅拍拖10周年紀念。

II · Site Admin Joined: 28 Sep 2005 Posts: 3622

孫耀威為生B做準備老婆做幕後爭取見面時間
2019.03.21
星島日報

孫耀威奪得「最佳微電影（專業組）男主角金獎」。

孫耀威於《第六屆「微電影『創+作』支援計劃(音樂篇)頒獎禮》上，奪得「最佳微電影（專業組）男主角金獎」。他稱今次得獎的微電影《圓》是以其新歌《愛的故事（沒有下集）》拍攝而成，以浪漫的方式表達愛就像一個圓型，有開始但無終點，自言人長大了愛情觀也轉變，年輕時追求轟烈，現在則是不管一起多久仍要恩愛如初。

他稱過幾天就是跟太太陳美詩的拍拖10周年日子，農曆年期間，夫婦去了歐洲作遲了兩年的度蜜月之旅，因為要為愛情製造新鮮感，笑言夫妻感情仍算轟烈，而最重要是跟住圓圈跑，不要出軌。問到有否趁機造人？他笑謂：「很多朋友說要計排卵期，但我就求其，不過這個話題最近在我們之間是講多了；加上之前太忙，有空時又經常遇到『親戚』探訪。不過，之後我會首次為電影執導和編劇，有意安排太太做幕後，爭取更多時間見面，否則無『下集』就大鑊。（可會考慮雪卵？）我覺得這樣不浪漫，況且我們是不一定要、但亦不抗拒有BB，要有的自然會有。」

孫耀威與太太陳美詩拍拖10周年日子。資料圖片