2017.10.23 陳美詩求秘方生B：朋友心急過我 (相關新聞)

II · Site Admin Joined: 28 Sep 2005 Posts: 3544

陳美詩求秘方生B：朋友心急過我 (相關新聞)
2017.10.23
on.cc 東網

陳美詩坦言與孫耀威（圓圖）都渴望有BB，她更向朋友尋求秘方。

歌手陳美詩（Macy）為奇妙電視節目《中伏》擔任嘉賓，提到同場的石詠莉（Sukie）將做人妻，Macy即恭喜對方：「孫耀威（Eric）都同鄧健泓（Patrick）講，要搵西裝都可以搵佢，希望佢一切順利，我都知安排座位好頭痛。（會唔會幫佢？）我好樂意，我都等佢指揮。」

自薦為鄧健泓造禮服

講到Sukie指鄧健泓找孫耀威設計西裝，Macy說：「好呀！最開心就係咁。Eric好鍾意設計衫，佢幾個月前知道呢個消息主動搵Patrick，就算Patrick着得靚過佢，佢都會開心。我哋都可以幫Sukie設計埋。」提到早前在八號風球下收養的小貓，她表示小貓已經開始習慣新生活，還非常嬌嗲。

談及生B，Macy坦言很想有小朋友，更向身邊好友拿生B秘方。問想生仔或女時？Macy說：「我同Eric都冇所謂，Eric話生女全日會畀佢冧到傻咗，如果男仔就會帶佢去踢波。睇上天安排。（你好心急？）唔係，我媽咪依家都唔心急，反而係身邊朋友心急。」

II · Site Admin Joined: 28 Sep 2005 Posts: 3544

石詠莉唔請伴郎伴娘　準老公要型過孫耀威 (相關新聞)　　
2017.10.23
on.cc 東網

藝人石詠莉（Sukie）早前與男友鄧健泓（Patrick）低調入紙結婚，她到奇妙錄影節目《中伏》，問到婚禮籌備進度，她說：「我覺得呢樣嘢要等埋Patrick喺度，由男方嚟講會好少少，所以遲幾日工作先一齊講，再詳細同大家講。（安排好晒？）依家都進行緊，問緊朋友嚟唔嚟。（冇伴郎伴娘？）冇請呀，我哋好反傳統，感謝雙方家長都包容到，都會同家人食飯，朋友一定會請。（有邊個去？）等Patrick自己講，我自己嗰啲都未Confirm。」問到二人的婚期，她只甜笑未有正面回應：「都快啦，都Plan緊座位。」

搵孫耀威設計西裝

Sukie又透露Patrick找好友孫耀威為他設計一件型爆西裝：「佢話要靚仔過孫耀威，佢講到咁我好期待啫。我自己啲婚紗都係普通嘢。佢有型咪得囉！（你已試好晒啲婚紗？）未，仲要改少少。」再問到要不要Keep Fit，她即哈哈大笑說：「要我去Keep Fit我都會做，但我人生太多次去減肥，唔會特別為結婚而去減，而係為咗自己健康。早排自己啲健康唔係好好，我覺得係時候要調理吓。（調理吓順便快啲生BB？）二人世界先，順其自然啦！急唔嚟嘅！（有冇計劃？）有傾過吓，最緊要開同搵多啲錢先啦！工作為重，我哋各自簽咗新公司，有好多計劃我哋都想做。」

婚禮一切從簡

問到婚禮當日會否接新娘，Sukie冧笑說：「等個男方講，如果唔係佢唔放過我。你知我男人幾男人先得，我呢啲小女人等候佢發落好啲。」她表示婚禮一切從簡之餘亦會有一些創意，不會是傳統式的婚宴。

II · Site Admin Joined: 28 Sep 2005 Posts: 3544

自認小女人石詠莉等鄧健泓發落 (相關新聞)
2017.10.24
東方日報

藝人石詠莉（Sukie）、陳美詩（Macy）及王賢誌昨日為奇妙電視節目《中伏》擔任嘉賓，日前與男友鄧健泓（Patrick）低調入紙結婚的Sukie，被問到婚禮籌備進度時說：「我覺得呢樣嘢要等埋Patrick喺度，由男方嚟講會好少少，遲幾日工作先再詳細同大家講。（冇伴郎伴娘？）我哋好反傳統，感謝雙方家長都包容到，都會同家人食飯。」

Sukie透露Patrick找好友孫耀威（Eric）為他設計一件強勁西裝：「佢話要靚仔過孫耀威，佢講到咁，我好期待！我啲婚紗都係普通嘢，佢有型咪得囉！」問到婚禮當日會否接新娘？Sukie冧笑說：「等男方講，如果唔係佢唔放過我。你知我男人幾男人先得，我呢啲小女人等候佢發落好啲。」講到「強勁西裝」，Macy透露老公Eric幾個月前知道消息主動找對方：「Patrick着得靚過佢，佢都會開心。」她坦言很想有小朋友，更向身邊好友拿生B秘方。

孫耀威（右）不介意鄧健泓型過自己。